Innritun allra skólaskyldra nemenda sem þurfa að flytjast milli skóla fyrir næsta vetur fer fram í Rafrænni Reykjavík http://rafraen.reykjavik.is dagana 11. til 19. febrúar næstkomandi. Opnað verður fyrir skráningu kl. 08.00 að morgni 11. febrúar.

Áríðandi er að nemendur sem skipta þurfa um skóla verði skráðir á ofangreindum tíma. Þó er ekki nauðsynlegt að skrá sérstaklega nemendur 6. og 7. bekkja sem flytjast í heild milli skóla.

Óski foreldrar/forráðamenn eftir að barn þeirra innritist í annan skóla en viðkomandi hverfisskóla, geta þeir sótt um það en þar sem börn hafa forgang í sinn hverfisskóla gæti orðið einhver bið eftir svari. 

Ef foreldrar/forráðamenn geta ekki nýtt sér rafræna innritun þá er hægt að hafa samband við viðkomandi skóla og innrita nemandann. Vinsamlegast hafið eftirfarandi upplýsingar tiltækar:

o   Nafn og kennitölu nemanda

o   Lögheimili og aðsetur (ef annað en lögheimili)

o   Síðasti skóli sem nemandi var í

o   Nöfn og kennitölur foreldra/forráðamanna

o   Símanúmer: Heimasími, vinnusími og GSM-sími

o   Netföng foreldra/forráðamanna

Upplýsingar um skóla og skólahverfi eru á vef skóla- og frístundasviðs Reykjavíkurborgar www.skolarogfristund.is eða í síma 411 1111.