Foreldra/forráðamanna barna og unglinga í Reykjavík 

Upplýsingar um sumarstarf fyrir börn og unglinga Í sumar verður fjölbreytt framboð af afþreyingu og fræðslu í boði fyrir börn og unglinga í Reykjavík. Frá og með mánudeginum 27. apríl má finna upplýsingar um sumarstarf í Reykjavík fyrir börn og unglinga á aldrinum 5-18 ára á frístundavef ÍTR www.fristund.is. Þar má nefna sumarfrístund, siglingar, sumarbúðir, íþróttanámskeið, reiðnámskeið, leikjanámskeið og margt fleira.

[su_button url=”http://xn--foreldraflag-rimaskla-j5b4v.is/wp-content/uploads/2015/04/Bréf-til-foreldra-vegna-sumarstarfs-2015.pdf”]Bréf til foreldra[/su_button]

Skráning

Skráning í sumarstarf á vegum Reykjavíkurborgar fer fram á Rafrænni Reykjavík. Skráning í sumarfrístund, sumarstarf frístundaheimilanna, fyrir börn sem eru að ljúka 1.-4. bekk grunnskóla hefst mánudaginn 27. apríl kl. 9:00. Skráning á siglinganámskeið í Siglunesi og á dýranámskeið í Húsdýragarðinum hefst sama dag.

Auk sumarfrístundar munu frístundamiðstöðvarnar bjóða upp á smiðjur fyrir börn sem eru að ljúka 5.-7. bekk og félagsmiðstöðvarnar verða með sumaropnun fyrir unglinga sem voru í 8.-10. bekk í vetur. Skráning í 10-12 ára smiðjurnar hefst 18. maí og fer hún einnig fram á Rafrænni Reykjavík. Nánari upplýsingar um sumarstarf frístundamiðstöðvanna eru á www.fristund.is.

Upplýsingar um skráningu í sumarstarf íþrótta- og æskulýðsfélaganna er að finna á www.fristund.is og á upplýsingasíðum hvers sumarstarfstilboðs fyrir sig.

Ef foreldrar geta ekki nýtt sér rafræna innritun geta þeir farið í frístundamiðstöðvar borgarinnar og á þjónustumiðstöðvar hverfanna og fengið aðstoð við skráningu. Ekki er hægt að skrá börn í sumarstarf Reykjavíkurborgar í gegnum síma. Starfsfólk þjónustumiðstöðva, frístundamiðstöðva og símavers Reykjavíkurborgar (s. 411 1111) geta þó leiðbeint símleiðis ef forráðamenn eru við nettengda tölvu. Skráning í sumarfrístund, siglinganámskeið og dýranámskeið þarf að fara fram fyrir kl. 12:00 á föstudögum eigi barn að byrja á mánudeginum á eftir, en foreldrum er þó bent á að skrá tímanlega þar sem vikurnar geta fyllst fljótt.

Með von um ánægjulegt samstarf,

Soffía Pálsdóttir,                                                                                    Steinþór Einarsson

skrifstofustjóri frístundamála                                                         skrifstofustjóri íþróttamála

á skóla- og frístundasviði                                                                    á íþrótta- og tómstundasviði