Kæru foreldrar og forráðamenn

Ég vil vekja athygli ykkar á því að breyting verður á dagskrá 10-12 ára starfsns í Sigyn í janúar. Þriðjudaginn 13.janúar verður klifur í Gufunesbæ og þriðjudaginn 27.janúar verður ferð í miðbæinn, þessir viðburðir munu því í rauninni skipta um daga. Við vonum að þetta komi ykkur ekki illa og biðjum ykkur um að tilkynna börnum ykkar frá þessu.

Einnig viljum við hér með hefja skráningu í Laser tag sem verður þriðjudaginn 20.janúar. Verð á mann er 1.600 krónur, auk þess þurfa þau sjálf að koma með strætómiða eða pening fyrir strætó. Innifalið í verðinu er eftirfarandi:

Ef 8-15 börn skrá sig: Tveir leikir

Ef 16+ börn skrá sig: Einn leikur + pizza og gos Ef færri en 8 börn skrá sig mun viðburðurinn falla niður. Ef fleiri en 16 börn skrá sig mun Sigyn panta og greiða fyrir rútu í stað strætó.

Skráning fer fram með því að foreldri sendir nafn og bekk barns á netfangið tinnah@reykjavik.is. Þann 20.janúar mætir barnið svo um klukkan 15:00 í Sigyn með pening og strætómiða/fargjald.

Ef þið hafið einhverjar spurningar eða athugasemdir ekki hika við að hafa samband við Njörð (695-5186) eða Tinnu (695-5183).

Með bestu kveðju

Tinna Heimisdóttir

Aðstoðar forstöðukona

Félagsmiðstöðin Sigyn

s.695-5183